ایبٹ آباد(چیف رپورٹر) نواں شہر کے نوجوانوں کے احتجاج کے بعد جمنزیم کا منصوبہ اے پی ایس میں منتقل کرنے کے خلاف شہری سراپا احتجاج۔ اس ضمن میں مقامی ذرائع نے صحافیوں کو بتایاکہ نواں شہر میں ایم پی اے مشتاق غنی کی کوششوں سے جمنزیم کی تعمیر کا منصوبہ بنایاگیاتھا۔ اور جوجگہ اس جمنزیم کی تعمیر کیلئے مختص کی گئی تھی۔ نواں شہر کے نوجوانوں نے اس جگہ پر جمنزیم تعمیر کرنے پر شدید احتجاج کیاتھا۔ جگہ نہ ہونے کی وجہ سے فنڈز لیپس ہونے کا خدشہ تھا۔ جس پر ایم پی اے مشتاق غنی نے جمنزیم کا منصوبہ ایبٹ آباد پبلک اسکول میں منتقل کردیا۔ اے پی ایس اسکول میں جمنزیم کی تعمیر پر ایبٹ آباد کے شہریوں نے شدید احتجاج کرتے ہوئے کہاہے کہ اے پی ایس اسکول میں سیکورٹی اتنی سخت ہے کہ وہاں پر عام آدمی جاہی نہیں سکتا۔ اور وہاں پر جمنزیم تعمیر کرکے دیاجارہاہے۔ جس سے شہری کسی صورت مستفید نہیں ہوسکیں گے۔ شہریوں نے ایم پی اے مشتاق غنی سے مطالبہ کیاہے کہ جمنزیم کو ڈسٹرکٹ کونسل کی اراضی پر تعمیر کیاجائے۔تاکہ اس سے تمام لوگ مستفید ہوسکیں۔
