لاہور: (ویب ڈیسک) پاکستانی ڈرامہ انڈسٹری سے شہرت پانے والی اداکارہ علیزے شاہ نے سوشل میڈیا پر تنقید کرنے والے صارفین سے کھل کر ناراضی کا اظہار کردیا۔
علیز ویسے تو کم عمری سے اس شعبے سی منسلک ہوگئیں تھی لیکن اصل شہرت انھیں ڈرامہ “جوتو چاہے” اور “عہدِ وفا” سے ملی.
اداکارہ نے سماجی رابطے کے فوٹو اور ویڈیو شیئرنگ پلیٹ فارم انسٹاگرام پر اپنی دو تصاویر شیئر کیں جن میں سے ایک میں وہ سہمی ہوئی نظر آرہی ہیں۔
علیزے نے سوشل میڈیا پر بے جا تنقید کرنے والے صارفین کے لیے لکھا کہ ’سوشل میڈیا نے دوسروں پر تنقید کرنے والوں کی زندگیاں آسان بنا دی ہیں‘۔
اپنے آئی ڈی پر شیئر کی جانے والی تصاویر میں اداکارہ نے مغربی لباس زیب تن کیا ہوا ہے، شاید انہیں اس بات کا اندازہ تھا کہ جب وہ ان تصاویر کو انٹرنیٹ پر شیئر کریں گی تو منفی کمنٹس کی بھرمار ہوجائے گی۔
واضح رہے کہ یہ پہلی بار نہیں ہے بلکہ اس سے قبل بھی کئی اداکارائیں سوشل میڈیا صارفین کے منفی تبصروں کے خلاف آواز اٹھا چکی ہیں۔ تمام ہی اداکاراؤں نے یہ بات واضح کی ہے کہ اُن کی نجی زندگی بھی کوئی چیز ہے اور انہیں بھی جینا کا مکمل اختیار حاصل ہے۔
علیزے نے بھی اپنے کیپشن میں سوشل میڈیا پر ہونے والی بے جا تنقید کا ذکر کیا اور لکھا کہ ’سوشل میڈیا نے بہت سے لوگوں کو دوسروں کی بے عزتی کرنے اور زندگی پر تنقید کرنے کا اختیار دیا اور آسانی پیدا کردی ہے‘۔
