تعلیم بچاو ریلی؛ نکالنے پر عہدیداروں کےخلاف مقدمہ درج

0
13

راولپنڈی(نیوز ڈیسک)آل پاکستان پرائیویٹ سکولز منیجمنٹ ایسو سی ایشن کی جانب سے ؛تعلیم بچائو ریلی؛ نکالنے پر مرکزی صدر کاشف ادیب جاودانی ،سینئر نائب صوبائی صدر اعجاز احمد خان کاکڑ، میاں اویس ودیگر کے خلاف تھانہ پرانا انار کلی میں مقدمہ درج کردیا گیاہے ، آل پاکستان پرائیویٹ سکولز منیجمنٹ ایسو سی ایشن راولپنڈی ڈویژن نے مقدمہ درج کرنے کی مذمت کی اور مطالبہ کیاہے کہ مرکزی قائدین پر درج مقدمے کو فوری ختم کیا جائے ، پنجاب اسمبلی کے باہر احتجاج کرنے پر مجبور ہو جائیں گے ۔
APPSMA TITLE
اس سلسلے میں ایسوسی ایشن ڈویژن کا ہنگامی اجلاس ابراراحمد خان کی زیر صدارت منعقد ہوا ،جس میں ضلع اٹک سے ملک حفیظ اللہ ،قاضی نورالحسن ،چکوال سے محمد اعجاز ملک ،مشتاق حیدر،ضلع جہلم سے افتخار حسین ملک ،ڈاکٹر اشرف،ضلع راولپنڈی سے ابرار احمد ایڈووکیٹ ،عامر انور اور محمد فرقان چوہدری، صدر وویمن ونگ سکینہ تاج، جنرل سیکرٹری رومانہ عظمت و دیگر نے شرکت کی.
APPSMA 2
اس موقع پر ابراراحمد خان نے کہا کہ اپنا حق مانگنے پر صوبائی حکومت کے ایماء پر ہمارے قائدین پرانا انارکلی تھانہ میں مقدمہ درج کرلیا گیا،، جس کی ہم بھرپورمذمت کرتے ہیں ، پنجاب حکومت کو شہریوں کی جانب سے حقوق مانگے جانا بھی گوارہ نہیں ،حکومت ایسے اوچھے ہتھکنڈوں سے ہمیں اپنے حقوق مانگنے سے نہیں روک سکتی ،لاہور میں درج کی جانے والی ایف آئی آر کو فوری ختم کیا جائے اگر ختم نہ کی گئی تو ہم پنجاب اسمبلی کے باہر احتجاجی دھرنا دیں گے.
APPSMA 1

کوئی تبصرہ نہیں