Sargaram | Newspaper

منگل 16 اپریل 2024

ای-پیپر | E-paper

بجلی کی قیمتوں میں ایک بار پھر بڑے اضافے کا امکان

Share

اسلام آباد : بجلی 7 روپے 13 پیسے فی یونٹ تک مہنگی کرنے کا فیصلہ آج کیا جائے گا ، اضافہ جنوری کی فیول پرائس ایڈجسٹمنٹ کی مد میں مانگا گیا ہے۔

تفصیلات کے مطابق بجلی 7 روپے 13 پیسے مہنگی کرنے کی سی پی پی اے کی درخواست پر سماعت ہوئی، چیئر مین نیپرا کی سربراہی میں نیپرا اتھارٹی میں سماعت کا آغاز کیا۔

سی پی پی اے حکام نے بتایا کہ جنوری2024ریفرنس لاگت 7روپے48پیسےمقررتھی، ہائیڈرو سےگزشتہ ماہ پیداوارمعمول کےمطابق رہی تاہم ہائی اسپیڈ ڈیزل سے 1 ملین یونٹ پیداوار کی گئی۔

حکام کا کہنا تھا کہ چائنہ حب پاورجنریشن سے بجلی کی پیداوار زیرو رہی، پیداوار زیروہونےکی وجہ بجلی کی طلب کم ہونا ہے جبکہ ساہیوال کول سے پیداوار معمول کے مطابق لی گئی۔

سی پی پی اے حکام نے کہا کہ دسمبر کا فیول پرائس 4روپے 57 پیسے تھا، جنوری کا فیول پرائس 7 روپے 13 پیسے بنتا ہے جبکہ دسمبر کی نسبت جنوری میں ایف سی اے2روپے 56 پیسے اضافی ہوگا۔

سی پی پی اے کی جانب سے اضافہ جنوری کی فیول پرائس ایڈجسٹمنٹ کی مد میں مانگا گیا ہے ، منظوری کی صورت میں بجلی صارفین پر 66 ارب سے زائد کا بوجھ پڑے گا۔

Share this Article
- اشتہارات -
Ad imageAd image