Sargaram | Newspaper

منگل 23 جولائی 2024

ای-پیپر | E-paper

برازیلین خاتون اول کا ایکس اکاؤنٹ ہیک ہونے پر ایلون مسک سے جھگڑا

Share

برازیل کی خاتون اول روزانجیلا دا سلوا کا اکاؤنٹ ہیک ہونے پر ایکس کے مالک ایلون مسک سے جھگڑا ہوگیا۔

غیر ملکی میڈیا رپورٹس کے مطابق روزانجیلا دا سلوا نے اپنا اکاؤنٹ ہیک ہونے کی ذمے داری نہ لینے پر کمپنی کے مالک ایلون مسک پر غصے کا اظہار کیا ہے۔

خیال رہے کہ 11 دسمبر کو روز انجیلا دا سلوا کا ایکس اکاؤنٹ ہیک ہوا تھا جس کے بعد ان کے اکاؤنٹ سے فحش تصاویر اور برازیلین صدر کے خلاف بیان پوسٹ کئے گئے تھے۔

اپنے بیان میں برازیلین خاتون اول نے کہا کہ مسک اس سنگین واقعے پر توجہ نہیں دے رہے جس سے ان کے پلیٹ فارم پر نہ صرف میں بلکہ روزانہ کی بنیاد پر ہزاروں خواتین پریشانی کا شکار ہوتی ہیں۔

روزانجیلا دا سلوا نے سماجی رابطے کے پلیٹ فارم کے خلاف مقدمہ دائر کرنے کی دھمکی بھی دی تھی۔

انہوں نے کہا تھا کہ میں ابھی تک یہ فیصلہ نہیں کر پائی ہوں کے ایکس کے خلاف مقدمہ برازیل میں دائر کروں یا امریکا میں، تاہم میں مقدمہ دائر ضرور کروں گی۔

برازیلین خاتون اول کے بیانات پر رد عمل دیتے ہوئے مسک نے کہا کہ ایکس پر کوئی الزام نہیں ہے، یہ واضح نہیں کہ کیسے کوئی یہ اندازہ لگا رہا ہے کہ اس کے ای میل کا پاس ورڈ ہماری ذمے داری ہے۔

Share this Article
- اشتہارات -
Ad imageAd image