Sargaram | Newspaper

اتوار 21 اپریل 2024

ای-پیپر | E-paper

بلے کے نشان کی واپسی کیلیے پی ٹی آئی عدالت پہنچ گئی

Share

پاکستان تحریک انصاف نے الیکشن کمیشن کے فیصلے کو پشاور ہائیکورٹ میں چیلنج کر دیا ہے اور بلے کے نشان کی واپسی کے لیے درخواست دائر کر دی ہے۔

پاکستان تحریک انصاف نے الیکشن  کمیشن کے پی ٹی آئی انٹرا پارٹی الیکشن کو کالعدم قرار دینے کے فیصلے کو چیلنج کر دیا ہے اور بلے کے انتخابی نشان کی واپسی کے لیے پشاور ہائیکورٹ میں درخواست دائر کر دی ہے۔

یہ درخواست پی ٹی آئی چیئرمین بیرسٹر گوہر، بیرسٹر ظفر علی اور صوبائی صدر کی جانب سے دائر کی گئی ہے جس میں الیکشن کمیشن کے ساتھ پارٹی کے انٹرا پارٹی الیکشن کو چیلنج کرنے والے افراد کو بھی فریق بنایا گیا ہے۔

درخواست میں موقف اختیار کیا گیا ہے کہ الیکشن کمیشن کے پاس پارٹی انتخابات کرانے کے طریقے سے متعلق فیصلہ دینے کا اختیار نہیں اور جن لوگوں نے پی ٹی آئی انٹرا پارٹی انتخابات کو چیلنج کیا وہ تو پارٹی ممبر ہی نہیں ہیں اس لیے انہیں بھی اسے چیلنج کرنے کا اختیار نہیں ہے۔

درخواست میں عدالت سے الیکشن کمیشن کا پی ٹی آئی انٹرا پارٹی انتخابات کالعدم دینے کا فیصلہ معطل کرنے، پشاور ہائیکورٹ کے سینئر ججز پر مشتمل بینچ تشکیل دے کر آج ہی اس کی سماعت مقرر کرنے کی استدعا کی گئی ہے۔

واضح رہے کہ الیکشن کمیشن نے گزشتہ دنوں پی ٹی آئی کے انٹرا پارٹی الیکشن کے خلاف درخواستوں کی سماعت کے بعد ان انتخابات کو کالعدم قرار دے دیا تھا اور پی ٹی آئی سے اس کا انتخابی نشان بلا واپس لے لیا تھا۔

Share this Article
- اشتہارات -
Ad imageAd image