Sargaram | Newspaper

پیر 26 فروری 2024

ای-پیپر | E-paper

عام انتخابات کیلئے مختص فنڈز کی عدم فراہمی : الیکشن کمیشن نے سیکرٹری خزانہ طلب کرلیا

Share

اسلام آباد : الیکشن کمیشن نے عام انتخابات کیلئے مختص فنڈز کی عدم فراہمی کا نوٹس لیتے ہوئے سیکرٹری خزانہ کو طلب کرلیا، بجٹ میں عام انتخابات کیلئے بیالیس ارب روپے مختص کیے گئے ہیں۔

تفصیلات کے مطابق الیکشن کمیشن نے عام انتخابات کیلئے مختص فنڈز کی عدم فراہمی کا نوٹس لے لیا اور فنڈز کی عدم فراہمی پرسیکرٹری خزانہ کو طلب کرلیا ہے۔

ذرائع الیکشن کمیشن نے کہا کہ مالی سال کے بجٹ میں عام انتخابات کیلئے42 ارب روپے مختص کیے گئے ہیں اور وزارت خزانہ نے ابتک 10 ارب روپےجاری کئے ہیں، باقی رقم کی فراہمی بغیر کسی جواز کے تعطل کا شکار ہے۔

ذرائع کا کہنا ہے کہ الیکشن کمیشن کو8 فروری کےانتخابات کیلئےفوری طورپر17 ارب درکارہیں، رقم کی فراہمی کیلئےالیکشن کمیشن نے وزارت خزانہ سے بارہا رجوع کیا، وزارت خزانہ کو تحریری یاددہانی بھی کرائی، جس کا مثبت جواب نہیں دیا گیا۔

چیف الیکشن کمیشن کمشنر نے فنڈز کی عدم فراہمی پر وزیر اعظم کوبھی آگاہ کرنےکافیصلہ کرلیا ہے ، چیف الیکشن کمشنر آج وزیر اعظم کو فنڈز کی عدم فراہمی پر تفصیلی خط لکھیں گے۔

Share this Article
- اشتہارات -
Ad imageAd image