Sargaram | Newspaper

منگل 25 جون 2024

ای-پیپر | E-paper

غزہ میں الشفا اسپتال کے قریب سڑکوں پر لاشوں کی تصاویر ہولناک ہیں: سیکریٹری جنرل اقوامِ متحدہ

Share

اقوامِ متحدہ کے سیکریٹری جنرل انتونیو گوتریس نے کہا ہے کہ غزہ میں الشفا اسپتال کے قریب سڑکوں پر لاشوں کی تصاویر ہولناک ہیں۔

انتونیو گوتریس نے اپنے ایک بیان میں کہا ہے کہ غزہ میں الشفا اسپتال کے سامنے ایمبولینس پر حملے سے دہشت زدہ ہو گیا ہوں۔

اقوامِ متحدہ کے سیکریٹری جنرل کا کہنا ہے کہ غزہ میں جاری جنگ رکنی چاہیے۔

علاوہ ازیں یونان کے سابق وزیرِ خزانہ نے کہا ہے کہ غزہ میں ایمبولینس پر حملہ جنیوا کنونشن کی خلاف ورزی ہے۔

ان کا یہ بھی کہنا ہے کہ ایمبولینس پر حملے کے بعد کیا کوئی بھی اسرائیل پر جنگی جرائم عائد کرنے کے لیے عالمی فوجداری عدالت کا دروازہ کھٹکھٹائے گا؟

غزہ میں ایمبولینس کو نشانہ بنانے کی تصدیق

عرب میڈیا کے مطابق غزہ کے الشفا اسپتال کے سامنے ایمبولینس پر اسرائیلی حملے میں شہداء کی تعداد 15 ہو گئی ہے۔

عرب میڈیا کے مطابق اسرائیل نے غزہ میں ایمبولینس کو نشانہ بنانے کی تصدیق کر دی ہے۔

مغربی کنارہ: اسرائیلی فوج کے ہاتھوں 8 فلسطینی گرفتار

دوسری جانب اسرائیلی فوج نے مغربی کنارے میں چھاپہ مار کر 8 فلسطینیوں کو گرفتار کر لیا ہے۔

Share this Article
- اشتہارات -
Ad imageAd image