Sargaram | Newspaper

منگل 05 مارچ 2024

ای-پیپر | E-paper

لاہور ہائیکورٹ ، آئی جی پنجاب کے وارنٹ گرفتاری اور توہین عدالت نوٹس پر فیصلہ محفوظ کر لیا

Share

لاہور ہائیکورٹ نے صدر تحریک انصاف پرویز الہی کو گھر نہ پہنچانے پر آئی جی پنجاب اور دیگر اعلی افسران کے خلاف وارنٹ گرفتاری اور توہین عدالت نوٹس پر فیصلہ محفوظ کر لیا۔

نجی ٹی وی کے مطابق لاہور ہائیکورٹ کے جسٹس سلطان تنویر نے پرویز الہیٰ کی اہلیہ کی درخواست پر سماعت کے دوران استفسار کیا کہ آئی جی پنجاب اور آئی جی اسلام آباد عدالت پیش کیوں نہیں ہوئے۔ ایڈووکیٹ جنرل اسلام آباد نے عدالت کو بتایا کہ آئی جی اسلام آباد سپریم کورٹ میں فرائض کی انجام دہی مٰں مصروف ہیں اور چیف کمشنر اسلام آباد ہائیکورٹ میں پیش ہوئے تھے۔ اسلام آباد ہائیکورٹ نے رہائی کے بعد مقدمے میں گرفتار کیا تھا اور نظر بندی کی درخواست غیر موثر ہونے پر نمٹا دی تھی۔ ہم نے تحریری طور پر عدالت سے معافی مانگی ہے۔

عدالت نے وکلا کے دلائل مکمل ہونے پر قیصرہ الہیٰ کی درخواست پر فیصلہ محفوظ کر لیا۔

Share this Article
- اشتہارات -
Ad imageAd image