Sargaram | Newspaper

منگل 05 مارچ 2024

ای-پیپر | E-paper

ن لیگ کی سندھ میں عام انتخابات کیلئے سیٹ ایڈجسٹمنٹ کی کوششیں

Share

کراچی : ایم کیو ایم کے بعد ن لیگی قیادت کی بیٹھک آج جے یو آئی ف کیساتھ ہوگی، جس میں دونوں جماعتوں میں ورکنگ ریلشن شپ،سیٹ ایڈجسٹمنٹ پر بات چیت ہوگی۔

تفصیلات کے مطابق عام انتخابات اور سندھ میں سیٹ ایڈجسٹمنٹ کا معاملے میں ن لیگ کی کوششوں میں تیزی آگئی، ایم کیو ایم کے بعد ن لیگی قیادت کی بیٹھک آج جے یو آئی ف کیساتھ ہوگی۔

ذرائع نےکہا کہ جمعیت علمائے اسلام (ف) کا وفد آج مسلم لیگ ہاؤس جائے گا، ملاقات میں جے یو آئی (ف) کی جانب سے حمداللہ شاہ اور اکبر شاہ شامل ہوں گے جبکہ ن لیگ سے نہال ہاشمی، علی اکبر گجر، ناصر محمود، خواجہ شعیب اور سعد شفیق شامل ہوں گے۔

ذرائع کے مطابق ن لیگ اورجے یو آئی میں ورکنگ ریلشن شپ اور سیٹ ایڈجسٹمنٹ پر بات چیت ہوگی ساتھ ہی دونوں جماعتیں اندرون سندھ جلسوں اور پی پی مخالف ووٹوں کو یکجا کرنے پر تجاویز دیں گی۔

ذرائع کا مزید کہنا تھا کہ ملاقات میں سندھ میں متفقہ امیدواروں کو اتارنے کے فارمولے پر بھی بات ہوگی۔

گذشتہ روز جی ڈی اے کا سندھ میں ہرنشست پر امیدوار کھڑے کرنے کا فیصلہ کیا تھا ، پیر پگارا نے کہا تھا کہ جی ڈی اے اکثریت سے کامیاب ہوکر سندھ کی تقدیر بدلے گی، ملک نازک دور سے گزر رہا، شفاف انتخابات ضروری ہیں، اگر انتخابات شفاف نہ ہوئے تو حالات مزید خراب ہوسکتے۔

Share this Article
- اشتہارات -
Ad imageAd image