Sargaram | Newspaper

منگل 23 جولائی 2024

ای-پیپر | E-paper

وینہ ٹنڈن نے شاہ رخ خان کی بیٹی کی فلم کا مذاق اُڑانے پر معافی مانگ لی

Share

ممبئی: ماضی کی مقبول ترین بالی ووڈ اداکارہ روینہ ٹنڈن نے میگا اسٹار شاہ رخ خان کی بیٹی سہانا خان کی ڈیبیو فلم “دی آرچیز” سے متعلق منفی پوسٹ لائک کرنے پر معافی مانگ لی۔

بھارتی میڈیا کے مطابق سہانا خان کی حال ہی میں ریلیز ہونے والی ڈیبیو فلم “دی آرچیز” سے متعلق ایک پوسٹ سوشل میڈیا پر وائرل ہوئی تھی جس میں فلم کے تمام اسٹارز کی اداکاری کا مذاق اُڑایا گیا تھا۔

اس پوسٹ کو جہاں سوشل میڈیا صارفین نے لائک کیا اور تبصرے کیے تو وہیں معروف بالی ووڈ اداکارہ روینہ ٹنڈن نے بھی اس پوسٹ کو لائک کردیا تھا جس کے بعد اداکارہ پر کڑی تنقید کی گئی۔

تاہم، تنقید سے تنگ آکر روینہ ٹنڈن نے اپنے آفیشل انسٹاگرام پر اسٹوری میں ایک معافی نامہ جاری کیا تھا، اداکارہ نے کہا تھا کہ “میں نے غلطی سے پوسٹ لائک کردی تھی، مجھے دراصل معلوم ہی تھا کہ پوسٹ کس بارے میں ہے”۔

روینہ ٹنڈن نے کہا کہ “اسکرولنگ کرتے ہوئے غلطی سے پوسٹ لائک ہوگئی، میری اس غلطی کی وجہ سے اگر کسی کی دل آزاری ہوئی ہے تو میں معذرت خواہ ہوں”۔

اداکارہ نے یہ اسٹوری کچھ دیر کے بعد اپنے آفیشل انسٹاگرام اکاوْنٹ سے ڈیلیٹ کردی، تاہم اُن کے معافی نامے کا اسکرین شاٹ سوشل میڈیا کے مختلف پلیٹ فارمز پر تیزی سے وائرل ہورہا ہے۔

واضح رہے کہ 7 دسمبر کو ریلیز ہونے والی “دی آرچیز”، دراصل بالی ووڈ کنگ شاہ رخ خان کی بیٹی سہانا خان، آنجہانی اداکارہ سری دیوی کی بیٹی خوشی کپور اور امیتابھ بچن کے نواسے اگستیا نندا کی ڈیبیو فلم ہے۔

فلم ’دی آرچیز‘ کے ہندی ورژن میں سہانا خان نے ’ورونیکا‘، اگستیا نندا نے ’آرچی‘، خوشی کپور نے ’بیٹی کوپر‘، اور ودانگ رائنے نے ’روجی‘ کا کردار ادا کیا ہے۔

Share this Article
- اشتہارات -
Ad imageAd image