Sargaram | Newspaper

منگل 21 مئی 2024

ای-پیپر | E-paper

چترال گھومنے آئی امریکی خاتون نے ہوٹل مالک انور علی سے شادی کرلی

Share

 خیبر پختونخوا کے ضلع چترال کے انور علی نے امریکی خاتون کلیئر اسٹیفن سے نکاح کرلیا۔

اردو نیوز کی ایک رپورٹ کے مطابق دلہا انور ولی کا تعلق اپر چترالی علاقے بونی سے ہے جب کہ انور علی پولو کے نامور کھلاڑی اور کھوار زبان کے شاعر بھی ہیں۔

انور علی نے میڈیا کو دیے گئے انٹرویو میں بتایا کہ میری اور  اسٹیفن کی ملاقات ایک سال قبل چترال میں اس وقت  ہوئی  جب وہ ہمارے چترال کے ہوٹل میں ٹھہری ہوئی تھیں، اس دوران  اسٹیفن  جو کہ چترال چند دن ٹھہرنے کی منصوبہ بندی پر آئی تھیں  6 ماہ تک وہی رہیں۔

انور علی کے مطابق اس دوران اسٹیفن  کو چترال بہت اچھا لگا اور پھر ہم نے شادی کا فیصلہ کرلیا ، اب ہمارا نکاح ہوچکا ہے ، ولیمہ ہمارے آبائی گاؤں بونی میں تمام رسموں کی ادائیگی کے ساتھ ہوگا۔

دوسری جانب امریکی خاتون نے اردو نیوز کو بتایا کہ انہوں  نے انور علی کو سادہ اور بااخلاق ہونے کی وجہ سے شوہر کے طور پر قبول کیا، اس سے قبل دنیا گھومی لیکن چترال جیسی خوبصورتی کہیں نہیں ملی۔

اسٹیفن کا کہنا تھاکہ شادی کے کچھ وقت بعد  امریکا واپس چلی جاؤں گی لیکن کوشش کروں گی کہ زیادہ تر وقت چترال میں گزاروں۔

Share this Article
- اشتہارات -
Ad imageAd image