Sargaram | Newspaper

منگل 25 جون 2024

ای-پیپر | E-paper

ڈالر 250 سے بھی نیچے آئے گا: شبر زیدی

Share

اسلام آباد:(روزنامہ سر گرم) سابق چیئرمین فیڈرل بورڈ آف ریونیو آف پاکستان (ایف بی آر)  شبر زیدی کا کہنا ہے کہ ڈالر ڈھائی سو روپے سے نیچے آجائے گا۔

سابق چیئر مین ایف بی آر شبر زیدی نے اپنے بیان میں کہا کہ اگر کپڑے، چائے کی پتی، ٹائر، گھریلو آلات اور کاسمیٹکس اشیاء کے لیے افغان ٹرانزٹ ٹریڈ پر پابندی برقرار رکھی جائے تو ملک کے کم از کم 20 فیصد معاشی مسائل حل ہو جائیں گے۔

ایف بی آر کے سابق چیئرمین نے موجودہ کریک ڈاؤن پر آرمی چیف اور نگراں حکومت کی تعریف کرتے ہوئے کہا کہ ان کوششوں کو ضائع نہ ہونے دیا جائے۔

آج انٹربینک میں ڈالر مزید ایک روپے سستا ہوگیا ۔ انٹربینک میں کاروبار کے آغاز پر  ڈالر مزید  1 روپیہ  سستا ہوکر  283روپے68پیسے  کا ہوگیا۔

پاکستان اسٹاک مارکیٹ میں بھی تیزی کا رجحان ہے ۔ 205 پوائنٹس کے  اضافہ کے بعد ہنڈرڈ انڈیکس 47 ہزار  284 پوائنٹس پر ٹریڈ جاری ہے۔

Share this Article
- اشتہارات -
Ad imageAd image