پشاور: خیبر پختونخوا اسمبلی میں ملازمین کی بھرمار ہے اور بیشتر ملازمین کے پاس بیٹھنے کو کرسی اور کرنے کو کوئی کام نہیں۔
کے پی اسمبلی میں ارکان کی تعداد 119 ہے اور اسمبلی ملازمین کی تعداد 794 ہو چکی ہے۔
اسمبلی ویب سائٹ پر موجود تفصیل کے مطابق اسمبلی کے لیے گریڈ 22 کا ایک، گریڈ 20 کے 8 ، گریڈ 19 کے 22، گریڈ 18 کے 48 اور گریڈ 17 کے 97 ملازمین کام کر رہے ہیں۔
اس کے علاوہ گریڈ 16 کے ملازمین کی تعداد 89 ہے جب کہ گریڈ 15 کے 4، گریڈ 14 کے 91، گریڈ 12 کے 17 ، گریڈ 11 کے 54 اورگریڈ 10 کا ایک ملازم اسمبلی میں تعینات ہے۔
بیشتر ملازمین سابق اسپیکر اسد قیصر اور مشتاق غنی کے دور میں جب کہ کچھ لوگ سابق وزیراعلیٰ محمود خان کے دور میں بھرتی ہوئے۔
