تبادلہ مارکیٹ میں پاکستانی روپے کے مقابلے میں امریکی ڈالر کی قدر میں کمی کا رجحان آج بھی برقرار رہا۔
کرنسی ڈیلرز کے مطابق پاکستانی کرنسی کے مقابلے میں ڈالر کی قیمت میں کمی کا رجحان جمعرات کے روز بھی جاری ہے۔ انٹر بینک میں ڈالر 16 پیسے سستا ہو کر 278 روپے 25 پیسے پر آگیا۔
اسٹیٹ بینک کے مطابق گزشتہ روز کاروبار کے دوران انٹربینک میں ڈالرکی قدرمیں 23 پیسے کی کمی ہوگئی، انٹربینک میں ڈالر278روپے 41 پیسے پر بند ہوا تھا۔
دوسری جانب کرنسی ڈیلرز کا کہنا ہے کہ انٹربینک کے زیر اثر اوپن مارکیٹ میں بھی ڈالر کی قدر میں کم ہوگئی، اوپن مارکیٹ میں ڈالر3 پیسے سستا ہوکر 281 روپے12 پیسے کا ہوگیا۔