ایشوریا سے مشابہت رکھنے والی پاکستانی لڑکی کا فلموں کی پیشکش کا دعویٰ

0
49
A Pakistani girl resembling Aishwarya claims to be offered movies
A Pakistani girl resembling Aishwarya claims to be offered movies

بالی وڈ اداکارہ ایشوریا رائے بچن سے مشابہت رکھنے والی پاکستانی بیوٹی بلاگر آمنہ عمران نے دعویٰ کیا ہےکہ انہیں پاکستانی فلمسازوں کی جانب سے فلموں کی آفرز ہوئی ہیں۔

پاکستانی بیوٹی بلاگر آمنہ عمران کی تصاویر اور ویڈیوز وائرل ہورہی ہیں جس کی وجہ ان کی بالی وڈ اداکارہ ایشوریا سے مشابہت ہے۔

ایشوریا رائے سے مشابہت اور اس حوالے سے پاکستان اور بھارتی ذرائع ابلاغ میں خبریں سامنے آنےکے بعد آمنہ عمران کے انسٹاگرام فالوورز کی تعداد بھی بڑھتی جارہی ہے اور وہ اچانک مشہور ہوتی جارہی ہیں۔

بھارتی اخبار کے مطابق پاکستانی بلاگر آمنہ عمران امریکا میں رہائش پذیر ہیں اور میڈیکل کے شعبے سے وابستہ ہیں۔

آمنہ عمران نے دعویٰ کیا کہ ان سے بعض پاکستانی فلمسازوں نے رابطہ کیا ہے اور انہیں فلموں کی پیشکش بھی ہوئی ہیں۔

آمنہ عمران کا کہنا تھا کہ وہ اپنے مستقبل کے حوالے سے پرامید ہیں اور انہیں اچانک شہرت ملنے اور لوگوں کے بے پناہ پیار اور توجہ سے خوشی ملی ہے۔

کوئی تبصرہ نہیں