پشاور:(روزنامہ سر گرم) خیبر پختون خوا میں بارشوں اور پہاڑوں پر برف باری کا دوسرا اسپیل شروع ہو گیا ہے۔
محکمہ موسمیات کے مطابق مختلف علاقوں میں بارشوں اور برف باری کا سلسلہ کل رات تک وقفے وقفے سے جاری رہنے کا امکان ہے۔ صوبائی دارالحکومت میں گزشتہ روز ہی سے گہرے بادل اور بوندا باندی جاری ہے۔
بارش، ہواؤں اور برف باری سے پشاور سمیت صوبے کے دیگر میدانی علاقوں میں سردی لوٹ آئی ہے۔
پی ڈی ایم اے کے مطابق بارش اور برف باری کی صورت حال پر ڈسٹرکٹ انتظامیہ کو رپورٹ جاری کر رکھی ہے۔
اُدھر سوات میں کالام ، مالم جبہ، نتھیا گلی، چترال، دیر اپر جیسے اضلاع میں برف باری کا سلسلہ بھی جاری ہے۔ برف باری ہونے سے ان علاقوں کے لوگوں کے رابطے دیگر علاقوں سے کٹ جاتے ہیں۔ پہاڑی برفیلے علاقوں میں برف باری سے آمد و رفت بھی بری طرح سے متاثر ہو جاتی ہے۔اور مقامی لوگوں کی مشکلات میں اضافہ ہوتا ہے۔
 خیبر پختون خوا میں بارشوں اور پہاڑوں پر برف باری کا دوسرا اسپیل شروع ہو گیا ہے۔){kind=link}