غزہ: جنوبی غزہ میں سابق اسرائیلی آرمی چیف کا بیٹا گال میر آئزن کوٹ ہلاک ہوگیا ،وہ 551 ویں ریزرو کمانڈو بریگیڈ کی 699 ویں بٹالین کا ایک لڑاکا سپاہی تھا۔
تفصیلات کے مطابق اسرائیل کے سابق آرمی چیف آف سٹاف اور جنگی کابینہ کے رکن گاڈی آئزن کوٹ کا بیٹا حماس کے ہاتھوں مارا گیا۔
اسرائیلی فوج نے سابق آرمی چیف کے بیٹے کی موت کی تصدیق کرتے ہوئے کہا کہ فرسٹ سارجنٹ (ریزرو) گال میر آئزن کوٹ کی عمر 25 سال اوراس کا تعلق ہرلٹسیا سے تھا، وہ 551 ویں ریزرو کمانڈو بریگیڈ کی 699 ویں بٹالین کا ایک لڑاکا سپاہی تھا۔
گال آئزن کوٹ جبالیا کے مضافات میں اپنے ساتھیوں کے ساتھ سرچ آپریشن کر رہا تھا کہ ان کے درمیان ایک بڑا دھماکہ خیز مواد پھٹ گیا، جس مین گال شدید زخمی ہوا، جس کے بعد اسے حاشدود کے ہسپتال لے جایا گیا جہاں بعد میں اسے مردہ قرار دے دیا گیا۔
اسرائیلی میڈیا کے مطابق غزہ میں زمینی آپریشن کے دوران ستاسی صیہونی فوجی مارے جا چکے جبکہ اسرائیئلی میڈیا میں سات اکتوبر سے اب تک چار سو چودہ اسرائیلی فوجیوں کی ہلاکت رپورٹ کی جارہی ہیں جبکہ حماس نے دو ماہ میں اسرائیل پر ایک لاکھ راکٹ اور میزائل فائر کیے۔۔۔
