ایشیاکپ ون ڈے میں پاکستان اور بھارت کے میچ کے دوران بارش ہونے پر فخر زمان کی گراؤنڈ اسٹاف کے ہمراہ کور بچھانے کی ویڈیو سوشل میڈیا پر وائرل ہورہی ہے۔
اتوار کے روز کولمبو میں سپر فور مرحلے کے اہم میچ میں روایتی حریف پاکستان اور بھارت کی ٹیمیں مدمقابل تھیں لیکن بارش ہونے کے بعد امپائرز نے کھیل 24.1 اوورز پر روک دیا۔
گراؤنڈ کو بارش سے بچانے کے لیے پاکستانی اوپنر فخر زمان گراؤنڈ اسٹاف کے ساتھ پچ پر کور بچھاتے دکھائی دیے۔
فخر کی اس ویڈیو کو دنیا بھر کے کرکٹ شائقین نے پسند کیا اور اس پر اپنے خیالات کا اظہار کرتے ہوئے قومی کرکٹر کو سراہا۔
