اسلام آباد : وزیرخزانہ اسحاق ڈار نے پاکستان میں سماجی ایپ ایکس کی بندش کے سوال پر کہا کہ وائی فائی استعمال کرتا ہوں، ایکس پر میرا پیغام چلا جاتا ہے۔
تفصیلات کے مطابق وزیر خزانہ اسحاق ڈار پاکستان میں سماجی ایپ ایکس کی بندش کے سوال پر نرالی منطق لے آئے۔
اسحاق ڈار نے کہا کہ کہا میں وائی فائی استعمال کرتا ہوں، میرا پیغام چلا جاتا ہے، ایکس کی بندش سے متعلق بہت شکایات موصول ہوئی ہیں، پیر کو تفصیلی معلومات ملیں گی جس پر کام کریں گے۔
وزیر خزانہ کا مزید کہنا تھا کہ سوشل میڈیا اپیس کے غلط استعمال کے بھی مسائل ہیں۔
خیال رہے پاکستان میں سوشل میڈیا ایپ ایکس (سابقہ ٹوئٹر) کی بندش کو تقریباً ایک ماہ سے زائد کا عرصہ ہونے کو ہیں ، جس کے باعث صارفین کو مشکلات کا سامنا ہے۔
اس عرصے کے دوران ایکس کو متعدد بارمختصروقت کے لیے بحال کیا گیا تھا، جس سے صارفین کو صرف 10 سے 15 منٹ کے وقفے تک رسائی حاصل ہوئی۔
