نیویارک : پاکستان نے اقوام متحدہ میں فلسطین اورمقبوضہ کشمیرمیں خواتین پر مظالم کیخلاف آواز اٹھادی اور شرکا کو اسرائیل اور بھارتی فوجی مظالم سےآگاہ کیا۔
تفصیلات کے مطابق اقوام متحدہ میں مقبوضہ بیت المقدس اور مقبوضہ کشمیر میں خواتین کی حالت زار پر مباحثہ ہوا،پاکستانی مستقل مشن نے یواین ہیڈکوارٹرز میں پینل مباحثے کا اہتمام کیا۔
مستقل مندوب منیر اکرم نے خواتین پر اسرائیل اور بھارتی فوجی مظالم سے شرکا کو آگاہ کیا، کشمیری رہنمامشعال ملک نے کہا کہ مقبوضہ کشمیرکی خواتین کو بنیادی انسانی حقوق بھی حاصل نہیں۔
پروفیسرڈاکٹرامینہ ضیا نے مباحثے میں حقوق نسواں کی تحریکوں کاجائزہ پیش کیا اور کہا تنازعات سے متاثرہ خواتین کی آواز عالمی فورمز کو سننی چاہیئے۔
مباحثے میں مقبوضہ علاقوں میں خواتین کی حالت زاربہتر بنانےکیلئے اقدامات پر زور دیا گیا۔
