گھوٹکی : کچے کے بدنام زمانہ ڈاکوؤں جرائم کی دنیا چھوڑدی اور سوشل میڈیا پر پیغام میں کہا کہ ساتھی بھی جرائم چھوڑکرخودکوقانون کےحوالےکردیں۔
تفصیلات کے مطابق کچے کے علاقے میں دہشت کی علامت ڈاکوؤں نے جرائم کی دنیا چھوڑ دی ، بدنام زمانہ ڈاکوؤں نے اپنی ویڈیو ریکارڈ کراکر سوشل میڈیا پر جاری کی۔
شرگینگ کے چیف عمرشر،ثناءاللہ عرف ثنوشر،سلطان شر کے بھائی کی ویڈیو وائرل ہوگئی، وائرل ویڈیومیں ڈاکوؤں نے اپنے مؤقف میں کہا کہ ہم امن پسندہیں اورامن چاہتے ہیں ، پاک فوج نےامن بحال کیاہےاس کےشکرگزارہیں۔
ڈاکوؤں کا کہنا تھا کہ ہم جرائم کی دنیا چھوڑچکےہیں، پیغام دیتےہیں ہمارے ساتھی بھی جرائم چھوڑکرخودکوقانون کےحوالےکردیں۔
ڈاکوؤں نے مزید کہا کہ عورتوں کی آواز اور سستی گاڑی کے چکر میں عوام کچےکی طرف نہ آئیں سب فراڈ ہے۔
